星期日阿囡開始作病，沖繩都幾凍幾大風，所以今日冇去公園。我落完水之後，一家人去咗南部嘅 #Cafe やぶさち 食下午茶。回程嘅時候漫無目的咁樣周圍兜，去咗＃奧武島，南部嘅一個小小漁港。島上邊有一間好出名嘅天婦羅，但係因為星期日嘅關係多人到傻咗。咁我哋就去落少少嘅漁協市場。
其中佢哋有￥200一盒嘅海苔，就係我每日落水,啲客不停同我地講：咦你哋海邊嗰啲青苔好靚喎。而我有同佢哋講番：唔係青苔，係海苔。可以生食。我個女就咁即採即食。
因為今日冇plan 公園，阿囡見到一班小朋友在市場旁的小斜路玩，佢又話要玩。咁我地先返車等佢。過咗十幾分鐘，佢重未返車，所以揸過小小睇佢，原來佢已經同D姐姐傾緊計。一個小小圍牆，小小斜路已經係呢班小朋友既遊樂場！
回程時經過一個農協市場 #アグリハウスこちんだ，走咗入去兜個圈，點之後面系小型動物園！有雞、馬仔、兔仔，仲可以在旁邊拔草餵！好大一個驚喜！
P.S. 漁協個度好大風，阿囡可能因為咁嚴重咗。。。禮拜一返唔到學～
Search